“Daily Mirror”in məlumatına görə, futbol əfsanəsi Lionel Messinin bacısı Mariya Messi ağır yol-nəqliyyat hadisəsinə düşüb.

90plus.az xəbər verir ki, hadisə Mariyanın avtomobil idarə edərkən huşunu itirməsindən sonra baş verib. Nəticədə o, nəzarəti itirərək maşınla divara çırpılıb.

Qəza zamanı Mariya Messinin:

• iki fəqərəsi,
• daban sümüyü,
• biləyi sınıb,
• həmçinin müalicəsi çətin olan yanıq xəsarətləri aldığı bildirilir.

O, artıq Rosarioya qayıdıb və burada reabilitasiya və bərpa prosesinə başlayıb.

Qeyd olunur ki, Messinin bacısı “İnter Mayami”nin (Lionel Messinin çıxış etdiyi klub) gənclər üzrə məşqçisi Xulian Arellano ilə evlənməyə hazırlaşırdı. Lakin baş verən hadisəyə görə toy hələlik təxirə salınıb.