İtaliya Serie A-nın 17-ci turunda "Milan" evdə "Hellas Verona"nı 3-0 hesabı ilə məğlub edib.

90plus.az xəbər verir ki, matçın ilk yarısının böyük hissəsi golsüz keçsə də, 45+1-ci dəqiqədə Kristian Pulişiç "Milan"ı önə keçirdi və komanda 1-0 hesabı ilə fasiləyə yollandı.

İkinci yarının dərhal başlanğıcında Kristofer Nkunku 48-ci dəqiqədə penaltidən fərqi ikiyə çıxardı. Nkunku 53-cü dəqiqədə ikinci qolunu vuraraq matçın son nəticəsini müəyyənləşdirdi.

Nkunku bu qollarla bu mövsüm Serie A-dakı ilk qolunu qeyd etmiş oldu. Fransız futbolçu bu mövsüm ilk qolunu İtaliya Kubokunda vurmuşdu.

"Milan" liderliyə yüksəldi

3-0 hesabı ilə qələbə qazanan "Milan" oyun fazlasıyla turnir cədvəlində liderliyə yüksələrək 36 xal topladı. "Hellas Verona" isə 12 xalla aşağı sıralarda qaldı.

Verona komandasından Victor Nelsson və Al-Musrati start heyətində yer almışdı. Al-Musrati 43-cü dəqiqədə sarı vərəqə aldı və 85-ci dəqiqədə Abdou Harroui ilə əvəz olundu. Nelsson isə 90 dəqiqə meydanda qaldı.