“Milan” çempionu məğlub edərək liderliyə yüksəldi.
90plus.az xəbər verir ki, İtaliya A Seriyasının 5-ci turunda “Milan” doğma meydanda “Napoli”ni qəbul edib. Maraqlı və gərgin keçən qarşılaşmada meydan sahibləri qələbə qazanaraq turnir cədvəlinin zirvəsinə yüksəliblər.
Matçın startından fəal təsir bağışlayan “Milan” artıq 3-cü dəqiqədə hesabı açıb. Aleksis Salemakersin dəqiq zərbəsi meydan sahiblərinə üstünlük qazandırıb. Ardınca 31-ci dəqiqədə Kristian Pulişiç fərqi iki topa yüksəldib – 2:0.
İkinci hissədə oyunun gedişatına dramatik məqam damğa vurub. 60-cı dəqiqədə “Milan” müdafiəçisi Pervis Estupinyan birbaşa qırmızı vərəqə ilə meydandan qovulub. “Napoli” isə həmin epizoddan sonra penalti qazanaraq Kevin De Brüynenin dəqiq zərbəsi ilə hesabı 2:1 edib.
Buna baxmayaraq, görüşün qalan hissəsində 10 nəfərlə oynayan “Milan” üstünlüyünü qoruyaraq əhəmiyyətli qələbə qazanıb:
Milan 2 - 1 Napoli
Salemakers 3’
K. Pulişiç 31’
K. D. Brüyne 60’ (pen.)
Qollar:
https://t.me/doxsanplus/108422
https://t.me/doxsanplus/108423
https://t.me/doxsanplus/108426
Qeyd: Bu nəticə ilə “Milan” xalını 13-ə çatdıraraq liderliyə yüksəlib, “Napoli” isə 10 xalla turnir cədvəlinin ortalarında qərarlaşıb.
