"Nyukasl"a Malik Tiavı satan "Milan" müdafiə xəttini yeni futbolçu ilə gücləndirməyi düşünür.
90plus.az xəbər verir ki, "qırmızı-qaralar" hazırda "Əl-Əhli"də çıxış edən Merih Demiralı transfer etmək niyyətindədir. Bu barədə "Corriere della Sera" məlumat yayıb.
A Seriyasının nəhəngi 27 yaşlı türkiyəli mərkəz müdafiəçisi ilə danışıqlara başlayacaq. Futbolçunun Səudiyyə Ərəbistanı təmsilçisi ilə müqaviləsinin bitməsinə 1 il qalıb.
Xatırlatma: Merih Demiral ötən mövsüm "Əl-Əhli"nin heyətində 44 rəsmi oyuna çıxaraq 1 qol vurub və 3 asistlə yadda qalıb. Türkiyə millisinin üzvü daha əvvəl İtaliyada "Sassuolo", "Yuventus" və "Atalanta"nın formasını geyinib.
