FIFA sentyabr ayı üçün milli komandaların yenilənmiş reytinq siyahısını açıqlayıb.
90plus.az xəbər verir ki, Azərbaycan milli komandası reytinqdə iki pillə aşağı düşərək 1148,09 xalla 122-ci yerdən 124-cü mövqeyə geriləyib. Bu müddət ərzində yığmamız DÇ-2026-nın seçmə mərhələsində iki qarşılaşma keçirib: biri İslandiyaya (0:5), digəri isə Ukraynaya qarşı (1:1).
Azərbaycanın ən yaxın rəqibləri Zimbabve (1133,75 xalla) və Malayziya (1148,23 xalla) olub. Malayziya millimizdən bir pillə yüksək yerdə qərarlaşıb.
DÇ-2026-nın seçmə mərhələsində Azərbaycanla eyni qrupa düşən komandaların reytinq sıralaması belədir: Fransa – 2-ci (1870,92), Ukrayna – 28-ci (1543,06), İslandiya – 74-cü (1343,09).
Reytinqin ilk 10 pilləsi isə aşağıdakı kimidir:
-
İspaniya (1875,357)
-
Fransa (1870,92)
-
Argentina (1870,32)
-
İngiltərə (1820,44)
-
Portuqaliya (1779,55)
-
Braziliya (1761,6)
-
Niderland (1754,17)
-
Belçika (1739,54)
-
Xorvatiya (1714,2)
-
İtaliya (1710,06)
