Azərbaycanın qadınlardan ibarət milli futbol komandası avqustun 16 və 17-də azad edilmiş ərazilərimizə səfər ediblər.
90plus.az xəbər verir ki, səfərin ikinci günü nümayəndə heyəti Xankəndi stadionunu ziyarət edib. Ardınca milli komanda üzvləri Qarabağ Universitetində olub və təhsil ocağının zəngin kitabxanası ilə yaxından tanış olublar.
Onlar həmçinin Qarabağ xanının vəziri Molla Pənah Vaqifin Şuşada yerləşən məqbərəsini, tanınmış sənətkar Bülbülün ev muzeyini, Əskəran qalasını, Xocalı şəhərini, Xocalı soyqırımı qurbanlarının məzarını, Azərbaycanın Milli Qəhrəmanı Allahverdi Bağırovun dəfn olunduğu yeri və Yuxarı Gövhər Ağa məscidini ziyarət ediblər. Ağdam şəhərində və İmarət tarixi kompleksində sakinlərlə görüş keçirilib, uşaqlara isə AFFA tərəfindən top və şərf hədiyyə olunub.
