U-19 millimiz Sloveniya turnirini məğlubiyyətlə başa vurdu.

90plus.az xəbər verir ki, Sloveniyada təlim-məşq toplanışında olan Azərbaycanın 19 yaşadək futbolçulardan ibarət milli komandası “Slovenia Nations Cup” yoldaşlıq turnirində son oyununa çıxıb.

Komandamız üçüncü görüşdə Polşa U-19 yığması ilə üz-üzə gəlib. “Çatej” stadionunda baş tutan qarşılaşmada rəqib tam üstün olub və millimiz meydanı 0:6 hesablı məğlubiyyətlə tərk edib.

Xatırlatma: Azərbaycan U-19 bu turnirdə ilk iki oyunda uğurlu çıxış etmiş, İslandiya və Farer adalarını 2:1 hesabı ilə məğlub etmişdi.