Luka Modriç: “Perez mənim üçün çox vacib bir insan olub”.

90plus.az xəbər verir ki, “Real Madrid”in əfsanəvi yarımmüdafiəçisi Luka Modriç klub prezidenti Florentino Pereslə münasibətindən danışıb.

İspaniyanın Marca nəşrinə açıqlama verən xorvat futbolçu prezidentin ona xüsusi diqqət göstərdiyini bildirib:

“Peres mənə xüsusi münasibət göstərirdi. İndi bunu açıq deyə bilərəm. Bu, mənim “Real Madrid”dəki son oyunumda da hiss olundu: klub prezidentinin ağladığını ilk dəfə gördüm.

Peres mənim üçün çox vacib bir insan olub, ilk növbədə ona görə ki, məhz o, məni komandaya gətirmişdi. Elə o andan etibarən mənə xüsusi simpatiya göstərirdi, həmişə mənə çox yaxşı münasibət bəsləyirdi”.

Qeyd: Modriç 2012-ci ildən Madrid təmsilçisinin formasını geyinirdi. O, bu yay klubdan ayrılıb.