"Monako" klubu yeni baş məşqçisinin təyinatını rəsmən açıqlayıb.

90plus.az xəbər verir ki, komandanın sükanı arxasına Sebastyan Pokonyoli keçib. O, bu postda Adi Hütteri əvəz edib və 2027-ci ilin iyun ayına qədər müqavilə imzalayıb.

Pokonyoli 2024-cü ildən etibarən “Union” klubuna rəhbərlik edib. Onun başçılığı ilə komanda Belçika çempionu titulunu qazanıb və ölkə Superkubokunu əldə edib.

Hazırda “Monako” Fransa Liqa 1-də 7 turun ardından 13 xalla turnir cədvəlində beşinci pillədə yer alır.