Kopa Amerika turnirində qarşı-qarşıya gələn Çili-Kanada matçı qolsuz başa çatıb və Kanada 1/4 finala vəsiqə qazanıb.
90plus.az xəbər verir ki, matçdan sonra Çili Futbol Federasiyası oyunun baş hakimi Vilmar Roldanın idarəçiliyini tənqid edib. Federasiyadan verilən açıqlamada Roldanın matçda səhvlərə yol verdiyi və onun vəzifəsindən uzaqlaşdırılmasının istənildiyi bildirilib.
Çili Futbol Federasiyasının tələbi isə rədd edilib.
Federasiyadan verilən açıqlamada "Hakim Vilmar Roldanın müddətsiz olaraq vəzifəsindən uzaqlaşdırılmasını və bu cür hadisələrə tətbiq oluna biləcək ən yüksək cəzanın verilməsini tələb edirik" - deyə qeyd olunub.
Qeyd: Çilidə Gabriel Suazo 27-ci dəqiqədə qırmızı vərəqə alıb.
