“NBA Avropa” layihəsi ilə bağlı danışıqlar sürətlənir. “NBA Avropa və Yaxın Şərq”in baş meneceri Corc Ayvazoğlu layihə barədə ətraflı açıqlama verərək, Avropa Liqası ilə əməkdaşlıq imkanlarının müzakirə olunduğunu bildirib.
90plus.az xəbər verir ki, 8 oktyabr tarixində İsveçrənin Cenevrə şəhərində Avropa Liqası rəhbərliyi, liqa klubları, “NBA” və FİBA nümayəndələrinin iştirakı ilə xüsusi görüş keçirilib. Görüşdə əsas diqqət “NBA Avropa” layihəsinin perspektivlərinə və Avropa basketbolunun inkişafı üçün yeni modelin yaradılmasına yönəlib.
Corc Ayvazoğlu bildirib:
“Beynəlxalq Basketbol Federasiyası (FİBA) ilə əməkdaşlıq çərçivəsində Avropa basketbolunun böyüməsini sürətləndirəcək və qitə üzrə azarkeşlərə daha yaxşı xidmət göstərəcək yeni model üzərində Avropa Liqası ilə xoş niyyətli danışıqları davam etdiririk.”
O əlavə edib ki,
“Avropa basketbolunun böyük potensialı ilə bağlı ortaq bir anlayışa gəlindiyi halda, bu layihə üzərində Avropa Liqası ilə birlikdə işləməyə açıq qalacağıq.”
Avropa Liqasından verilən rəsmi açıqlamada isə görüşün sonunda “NBA Avropa” layihəsi ilə bağlı ictimaiyyətə əlavə detallı məlumat verilmədiyi bildirilib. Lakin “NBA” ilə aparılan müsbət dialoqa görə təşəkkür ifadə olunub və FİBA-nın bütün maraqlı tərəflər üçün faydalı əməkdaşlıq çərçivəsi yaratmaq səyləri yüksək qiymətləndirilib.
Açıqlamada vurğulanan əsas prinsiplər bunlardır:
-
Ortaq fayda: Təklif olunan hər bir model bütün iştirakçı qurumlara və Avropa basketboluna dəyər qatmalıdır.
-
Mədəni bütövlük: Avropa basketbolunun ənənələri və unikal kimliyi qorunmalıdır.
-
Rəqabət mükəmməlliyi: Yüksək səviyyəli rəqabət standartlarının saxlanılması və inkişafı əsas hədəf olmalıdır.
-
Avropa idarəçiliyi: Qərarvermə səlahiyyəti Avropa daxilində qalmalı və regionun maraqları prioritet olmalıdır.
