NBA final seriyası dördüncü oyunla davam edib. "Oklahoma Siti Tandır" səfərdə "İndiana Peysers"i 111-104 hesabı ilə məğlub edərək seriyanı 2-2-yə gətirib.
90plus.az xəbər verir ki, "Gainbridge Fieldhouse"da baş tutan qarşılaşmada "Oklahoma Siti Tandır"ın lideri Şey Gilyos Aleksandr 35 xalla matçın ən məhsuldar oyunçusu olub. Onu Ceylen Uilyams 27 xal, Alek Karuso 20 xal, Çet Holmqren isə 14 xal və 15 ribaundla izləyib.
"İndiana Peysers"də Paskal Siyakam 20 xal və 8 ribaund, Tayris Halibarton isə 18 xal və 7 asistlə qarşılaşmanı tamamlayıb.
Seriyanın beşinci oyunu növbəti gün "Oklahoma"nın meydanında keçiriləcək.
