NBA-də "Orlando Medcik" səfərdə "Los Anceles Leykers"i 110:109 hesabı ilə məğlub edib. Qarşılaşmanın taleyini son saniyələrdə atılan xal həll edib.
90plus.az xəbər verir ki, "Orlando Medcik"in heyətində Paolo Bançero 36 xal və 10 ribaundla komandasına liderlik edib. Qələbə topunu isə matçın bitməsinə 7 saniyə qalmış Vendell Karter Jr. dəqiq atışla qazandırıb.
Ardıcıl 4 səfər oyununun 3-də qalib gələn qonaq komandada Desmond Bane 22 xal və 6 məhsuldar ötürmə ilə seçilib. Karter isə oyunu 20 xal və 11 ribaundla başa vurub.
"Los Anceles Leykers"də Luka Doncic 22 xal, 15 asist və 9 ribaundluq performans sərgiləyib. LeBron James və Deandre Ayton hərəyə 21 xal toplayıb. LeBron Ceyms görüşün bitməsinə iki saniyə qalmış üç xallıq atış etsə də, top səbətə düşməyib.
"Klivlend Kavalers" yüksəlişini davam etdirir
Digər oyunda "Klivlend Kavalers" doğma meydanda "Nyu York Niks"i 109:94 hesabı ilə məğlub edib və son 9 oyunda 8-ci qələbəsini qazanıb.
"Klivlend Kavalers"də Donovan Mitchell 23 xal, James Harden 20 xal yığıb. Jarrett Allen isə 19 xal və 10 ribaundla fərqlənib.
"Nyu York Niks"də Jalen Brunson 20, Mikal Bridges 18 xal toplayıb. Mitchell Robinson isə 16 ribaundla yadda qalıb.
Beləliklə, NBA gecəsində "Orlando Medcik" və "Klivlend Kavalers" qələbələri ilə diqqət çəkib.
