Azərbaycan Premyer Liqasının XXII turu çərçivəsində daha bir oyun baş tutub.
90plus.az xəbər verir ki, günün ilk matçında "Neftçi" komandası "Şamaxı"nın qonağı olub. Şamaxı şəhər stadionundakı qarşılaşma 2:2 hesabı ilə başa çatıb.
"Ağ-qaralar"ın qollarını 60 və 90+1-ci dəqiqələrdə Vensan Abubakar vurub. Meydan sahiblərindən 75-ci dəqiqədə Sezar Enrike, 90+8-ci dəqiqədə isə Karim Rossi fərqlənib.
Matçda vurulan qolların videolarına bu cümləyə klik edərək keçid edin
Bu nəticədən sonra "Neftçi" xallarının sayını 31-ə çatdıraraq 6-cı pillədə qərarlaşıb. "Şamaxı" isə 26 xalla 8-ci yerdədir.
Günün ikinci oyununda "Qəbələ" öz meydanında "Karvan-Yevlax"ı qəbul edəcək.
Turun oyunları martın 1-də yekunlaşacaq. Ötən gün isə "Kəpəz" "Sumqayıt"ı 3:0, "Zirə" isə "Araz-Naxçıvan"ı 1:0 hesabı ilə məğlub edib.
