“Qarabağ” UEFA Çempionlar Liqasının pley-off mərhələsində “Nyukasl”la səfər matçına yaxşı hazırlaşmaq üçün PFL-ə müraciət edib.

90plus.az xəbər verir ki, komanda Misli Premyer Liqasının 21-ci turunda “Neftçi” ilə oyunun təxirə salınmasını istəyib, amma Bakı klubu razılıq verməyib.

"Neftçi”nin Media üzrə koordinatoru Rüstəm Əfsərli:

“Qarabağ”dan belə bir təklif gəlmişdi, amma biz bundan imtina elədik. Çünki komandamızın qarşısında hədəflər var, mövsüm sona yaxınlaşır, həlledici mərhələyə qədəm qoyuruq. Bu hədəflərə uyğun olaraq da hazırlıq planı nəzərdə tutulub. Hər hansı matçın vaxtının, yerinin dəyişdirilməsi planlara mənfi təsir göstərə bilər. Buna görə də fikirləşdik ki, oyunun təxirə salınması məqsdəuyğun deyil. Ən yaxşısı elə təqvimlə nəzərdə tutulan həftədə matçın oynanılmasıdır”.

Qeyd: Misli Premyer Liqasının 19-cu turu çərçivəsində "Neftçi - Qarabağ" matçı 21 fevral saat  19:00-da baş tutacaq!

"Qarabağ"ın UEFA Çempionlar Liqasında pley-off matçları isə 18 (ev) və 25 fevral (səfər) tarixlərinə təsadüf edir.