“Netflix” idmançılar haqqında sənədli filmlər hazırlamağa davam edir.
90plus.az xəbər verir ki, məşhur film platforması bu dəfə Portuqaliya millisinin və “Əl-Nəsr” klubunun hücumçusu Kriştiano Ronaldo haqqında, onun Səudiyyə Ərəbistanındakı həyatını və karyerasını əks etdirən filmin təqdimatını edib.
Film altı epizoddan ibarətdir.
“Onlar deyirlər ki, Ronaldo artıq bitib, burada yalnız pul üçün oynayır, amma mən hələ də ehtiras hissi keçirirəm”, - Ronaldo filmin girişində belə deyib.
Filmin yayınlanma tarixi isə açıqlanmayıb.
Qeyd: 39 yaşlı ulduz forvard 2023-cü ilin yanvarında “Əl-Nəsr” klubuna keçib. O, cari mövsümdə 15 oyuna çıxıb, 10 qol vurub və 3 ötürmə edib.
