Neymar Braziliya millisinin oyunlarını buraxa bilər.

90plus.az xəbər verir ki, Neymar zədəsi səbəbindən Braziliya millisinin qarşıdakı yoldaşlıq görüşlərində iştirak etməyə bilər. ESPN Brasil-in yaydığı məlumata görə, futbolçunun iltihab problemi ilkin gözləntilərdən daha ciddi çıxıb.

Braziliya millisinin tibbi heyəti riskə getmək istəmir və əsas diqqəti futbolçunun tam bərpasına yönəldib. Mənbənin iddiasına əsasən, qarşıdan gələn dünya çempionatı nəzərə alınaraq Neymarın sağlamlığı prioritet hesab olunur.

Xəbərdə qeyd edilir ki, 33 yaşlı hücumçu hətta mundial öncəsi keçiriləcək hər iki yoxlama oyununu da buraxa bilər.

Bununla yanaşı, milli rəhbərliyinin futbolçunun hazırkı durumu ilə bağlı "Santos" tərəfindən verilən məlumatlardan narazı olduğu bildirilir. Federasiya daxilində Neymarın vəziyyəti ilə bağlı qeyri-müəyyənliyin ciddi qarışıqlıq yaratdığı vurğulanıb.

Hazırda futbolçunun nə vaxt meydanlara dönəcəyi ilə bağlı yekun qərarın tibbi müayinələrdən sonra veriləcəyi gözlənilir.