Neymar “Santos”la yeni müqavilə imzaladı.
90plus.az xəbər verir ki, ötən mövsümü “Santos”da keçirən Neymarın klubla müqaviləsinin müddəti başa çatmışdı. Braziliyalı ulduzun gələcəyi maraq doğurarkən, rəsmi açıqlama gəldi.
2025-ci ilin yanvarında yetirməsi olduğu “Santos”a qayıdan Neymar klubla 1 illik müqavilə imzalamışdı. 2025-ci ilin sonu etibarilə sözləşməsi başa çatan futbolçunun hansı qərarı verəcəyi müzakirə olunurdu. Nəhayət, “Santos” Neymarla yenidən anlaşdığını rəsmən elan etdi.
Klubun açıqlamasına görə, Neymarla 1 illik yeni müqavilə imzalanıb. Beləliklə, braziliyalı ulduz 2026-cı ildə də “Santos”un formasını geyinəcək. Hazırda zədədən sonra bərpa prosesində olan Neymarın yanvarın sonuna tam hazır vəziyyətə gəlməsi gözlənilir.
ℹ️ 33 yaşlı futbolçu 2024/25 mövsümündə “Santos” forması ilə 28 oyuna çıxıb, bu qarşılaşmalarda 11 qol və 4 məhsuldar ötürmə ilə yadda qalıb.
