Nigeriya millisində uçuş zamanı təyyarənin şüşəsi çatladı, təcili eniş edildi.
90plus.az xəbər verir ki, dünya Çempionatının Afrika zonası üzrə seçmə mərhələsində Lesotoya səfər edən Nigeriya milli komandası ölkəyə dönüş zamanı təhlükəli anlar yaşayıb.
Milliləri daşıyan təyyarənin ön şüşəsində havadaykən çat əmələ gəlib və bu səbəbdən pilotlar təcili şəkildə Anqolanın Luanda şəhərinə enməyə məcbur olublar.
Futbolçular sağ-salamatdır
Nigeriya Futbol Federasiyası baş verən hadisə ilə bağlı açıqlama yayaraq, bütün futbolçuların və heyətin vəziyyətinin normal olduğunu bildirib. Bildirilib ki, komanda üzvləri salamatdır və geri dönüş üçün yeni təyyarə təmin olunacaq.
