"Komo"nun gənc ulduzu Niko Pas ayın ən yaxşısı seçildi.

90plus.az xəbər verir ki ,"Komo" klubunun hücumameylli yarımmüdafiəçisi Niko Pas ardıcıl ikinci ay A Seriyasının ən yaxşı gənc futbolçusu seçilib. 21 yaşlı argentinalı futbolçu sentyabr ayında göstərdiyi performansla diqqətləri bir daha üzərinə çəkib.

3 oyunda 2 qol, 2 assist

Pas sentyabr ayında keçirilən "Cenoa" (1:1), "Fiorentina" (2:1) və "Kremoneze" (1:1) ilə oyunlarda ümumilikdə 2 qol və 2 assistlə yadda qalıb. Ümumilikdə mövsüm ərzində o, 7 oyunda 3 qol və 3 assistlik göstəriciyə sahibdir.

Hazırda o, “qol+assist” göstəricisi üzrə A Seriyasının liderləri arasında yer alır. Onunla bir sırada "Milan"ın ulduzu Kristian Pulişiç də var.

"Komo" avrokuboklara yaxınlaşır

Hal-hazırda "Komo" A Seriyasında 8-ci pillədə qərarlaşıb və avrokuboklara vəsiqə verən yerlərdən cəmi 1 xal geri qalır. Komandanın mövsümə bu qədər güclü start verməsi azarkeşlərdə ümid yaradıb.

"Real Madrid" geri qaytarmağı planlaşdırır

İspaniya mətbuatının yaydığı xəbərlərə görə, 2026-cı ilin yayında "Real Madrid" Niko Pası komandaya geri qaytarmağı planlaşdırır. Madrid təmsilçisinin futbolçu ilə imzaladığı müqavilədə 10 milyon avroluq geri alma opsiyası mövcuddur və klub bu imkandan yararlanmağa hazırlaşır.