Azərbaycan millisinin üzvü Nəriman Axundzadənin ABŞ-yə getməsi üçün iş icazəsi alınıb. Bu barədə futbolçunun meneceri Tural Əsgərov "Qafqazinfo"ya məlumat verib.

90plus.az xəbər verir ki, artıq hər şey tamamlanıb, vizanın alınması gözlənilir:

“Bu gün vizanı almalı idik, amma qaldı. Növbəti həftənin əvvəlində yəqin ki, vizasını alıb ABŞ-yə gedəcək. Təxminən martın 10-11-i o, “Kolambus Kryu”nun düşərgəsinə yollanacaq”.

ABŞ klubu “Qarabağ”ın sabiq futbolçusu ilə 3,5 illik müqavilə imzalayıb. Razılaşma fevralın 10-da əldə olunsa da, işçi vizasının gecikməsi futbolçunun səfərini təxirə salmışdı.