Dünyaca məşhur transfer eksperti Fabrizio Romano smartfon qarşısında çəkilmiş ödənişli video paylaşaraq King Salman Humanitarian Aid and Relief Centre‑in humanitar fəaliyyətini tərifləyib. Bu da ajiotaj yaradıb.
90plus.az xəbər verir ki, bu video #Ad etiketi ilə ödənişli reklam kimi yayımlanıb. Bu, izləyicilər və həmkarları arasında onun jurnalist deyil, “influenser/kommersiya tərəfdaşı” kimi qələmə verilməsi barədə suallar yaradıb.
Nüfuzlu nəşrlər və tənqidçilər ((L’Équipe və The Telegraph) bu addımı futbol jurnalistikası üçün ən aşağı nöqtə adlandırıb və bəzi ekspertlər bunu sportswashing — siyasi və insan haqları məsələlərini arxa plana ataraq yaxşı imic yaratmaq cəhdi — kimi qiymətləndiriblər.
Situasiya o səviyyəyə çatıb ki, Romano bu tənqid dalğasını idarə etmək üçün vəkil tutmalı olub.
