"Nyukasl Yunayted"dən son saniyə transferi: Yoan Vissa 30 saniyə ilə yetişdi.

90plus.az xəbər verir ki, "Nyukasl Yunayted" yay transfer pəncərəsinin bağlanmasına cəmi 30 saniyə qalmış "Brentford"un hücumçusu Yoan Vissanı heyətinə qataraq möhtəşəm bir "Son an" dramına imza atıb. Bu barədə “Sky Sports” məlumat yayıb.

55 milyon funt-sterlinq dəyərindəki transfer sənədləşmə mərhələsində yaranan texniki problem səbəbilə son anda təhlükə altına düşmüşdü. Vissanın imzalaması lazım olan sənədlərdən biri əksik qalmışdı. Onun nümayəndələrindən biri "Nyukasl"un məşq bazasında futbolçunu tapmaq üçün qaçaraq hərəkətə keçib və sənəd 8:59-da – ilkin 19:00 transfer vaxtından təxminən iki saat sonra – uğurla təsdiqlənib.

Vissa transferin reallaşması üçün gecə ilə Londondan "Nyukasl"a avtomobillə gedərək tibbi müayinədən keçməyə və müqaviləni rəsmiləşdirməyə hazır vəziyyətə gəlib.

Konqo Demokratik Respublikasının milli komandasının üzvü olan Vissanın səyahəti hələ bitmir. O, transferin ardından dərhal yığma komandasına qoşulmaq üçün yola düşüb. Konqo yığması cümə günü Cənubi Sudanla keçiriləcək DÇ-2026 seçmə oyunu üçün hazırlaşır.