Bu gün millimizin daha 5 iştirakçısı Paris 2024-də mübarizəyə start verəcək.

90plus.az xəbər verir ki, ilk olaraq badmintonçu Keişa Fatimə Zəhra H qrupunda He Bin Çzyao (Çin) ilə qarşılaşacaq. Badminton yarışları Bakı vaxtı ilə saat 10:30-da başlanacaq.

Saat 12:00-da isə cüdoçulardan Balabəy Ağayev (60 kq) mübarizəyə 1/8 finaldan başlayacaq. O, Simon Zulu (Zambiya) - Von Jin Kim (Cənubi Koreya) cütünün qalibi ilə üz-üzə gələcək. Qadın cüdoçumuz Leyla Əliyeva (48 kq) 1/16 finalda Xalimajon Kurbanova (Özbəkistan) ilə qarşı-qarşıya gələcək.

Saat 12:30-da güllə atıcısı Ruslan Lunyov 10 metr məsafəyə pnevmatik tapançadan atəş açmada təsnifat mərhələsində yarışacaq. 33 idmançı yarışacaq, onlardan 8-i finala yüksələcək.

Saat 13:00-da akademik avarçəkmədə Diana Dımçenko 2000 metr məsafəyə fərdi yarışın qrup mərhələsində mübarizə aparacaq.

Qeyd: Azərbaycan Paris 2024-də 48 idmançı ilə təmsil olunur.