Paris Olimpiadasında xoşagəlməz hadisələr davam edir.
90plus.az xəbər verir ki, Paris-2024-də Cənubi Sudan və Puerto-Rikonun kişi basketbolçulardan ibarət millilərinin qarşılaşması qalmaqalla başlayıb. Matçdan əvvəl Afrika təmsilçisinin himni yerinə başqa melodiya səsləndirilib.
Bir müddət keçdikdən sonra komitə bu səhvi düzəltsə də, azarkeşlər hadisəyə sərt narazılıq ediblər. Təşkilat komitəsinin kommunikasiyalar üzrə direktoru Enn Deskam hadisəyə görə üzr istəyib.
"Əgər belə olubsa, biz üzr istəyirik", - deyə o qeyd edib.
Qeyd: Sözügedən oyunda sudanlılar 90-79 hesabla rəqibi üstələyə biliblər.
Mənbə: Olympics.com
