Parisin meri Ann İdalqo Olimpiadada heç bir idmançının Sena çayında üzdüyü üçün xəstələnmədiyini iddi edir.
90plus.az xəbər verir ki, xanım merin açıqlaması belədir:
"Sena çayında üzdüyünə görə xəstələnən və ya yarışdan imtina edən bir idmançı yoxdur. Bu saxta xəbərlərdir və artıq milli olimpiya komitələri də bunu təsdiqləyiblər".
Olimpiada vaxtı İdalqo özü çayın yarışlar keçirmək üçün təhlükəsiz olduğunu sübut etmək üçün Senada üzüb.
Qeyd: İndiyədək Sena çayının çirkli olmasına görə, bir neçə yarışın məşqi ləğv edilib. Çayda hələ 1923-cü ildən E.Coli və digər patogen bakteriyaların çox olması səbəbindən üzmək qadağan olunub.
Mənbə: RİA Novosti
