“Barselona”nın Superkubokdakı qələbəsindən sonra Pedri və atası Don Fernando daha bir unudulmaz an yaşadılar.
Bu artıq onların özəl ənənəsinə çevrilib.
90plus.az xəbər verir ki, Pedri hər kubok qazandıqdan sonra, bayramlar sakitləşən kimi atasına qarşı penalti yerinə yetirir.
Bunun çox təsirli bir hekayəsi var:
Don Fernando vaxtilə peşəkar futbolçu olmağı arzulayırdı. O, qapıçı idi və hətta regional səviyyəyə qədər yüksəlmişdi. Lakin atasının vəfatı hər şeyi dəyişdi — ailə biznesini davam etdirmək üçün futbolu tərk etmək məcburiyyətində qaldı.
Bu gün isə o, futbolu oğlu vasitəsilə yenidən yaşayır. Hər penalti təkcə zərbə deyil, həyata keçməyən bir xəyalın davamıdır.
