"Mançester Siti”nin baş məşqçisi Pep Qvardiola Bernardo Silvanı komandanın yeni kapitanı təyin edib.
90plus.az xəbər verir ki, portuqaliyalı yarımmüdafiəçi Etihad Stadionunda keçirə biləcəyi son mövsümdə komandaya liderlik edəcək. (📰: Daily Mail)
Adətən kapitanın müəyyənləşdirilməsində futbolçuların və texniki heyətin səsverməsinə üstünlük verən Qvardiola bu dəfə qərarı özü verib. O, eyni zamanda Ruben Dias, Rodri və Erlinq Haalandi vitse-kapitanlar kimi təyin edib.
2017-ci ildə “Monako”dan “Siti”yə transfer olunan Silva hazırda müqaviləsinin son ilinə daxil olub.
