“Palmeyras” Kazemiro üçün hərəkətə keçdi.
90plus.az xəbər verir ki, Braziliyanın “Palmeyras” klubu “Mançester Yunayted”in yarımmüdafiəçisi Kazemiro ilə maraqlanır. Məlumata görə, əgər təcrübəli futbolçu İngiltərə klubunda müqaviləsini uzatmasa, Braziliya təmsilçisi ona 2 illik müqavilə təklif etməyə hazırdır.
Mənbənin bildirdiyinə görə, “Palmeyras” rəhbərliyi Kazemironu razı salmaq üçün əsas üstünlük kimi 1 il deyil, məhz 2 illik kontrakt variantını önə çıxarır. Klub hesab edir ki, bu şərt futbolçunun Braziliyaya qayıtmaq qərarına müsbət təsir göstərə bilər.
Qeyd: 32 yaşlı yarımmüdafiəçi “Mançester Yunayted”ə “Real Madrid”dən transfer olunub və Premyer Liqada çıxışı ilə daim diqqət mərkəzindədir. Onun gələcəyi ilə bağlı yekun qərarın mövsümün gedişində verilməsi gözlənilir.
🔗: Diego Firmino
