"Tottenhem"in baş məşqçisi Ancel Postekoqlunun gələcəyi qeyri-müəyyəndir.
90plus.az xəbər verir ki, əgər klub Postekoqlunu vəzifəsindən azad etsə, ona 4 milyon funt-sterlinq təzminat ödəməli olacaq. Bu məbləğ 2023-cü ildə imzalanan müqavilənin şərtlərinə əsaslanır.
Postekoqlunun rəhbərliyi altında "Tottenhem" Avropa Liqasının finalında "Mançester Yunayted"i 1-0 məğlub edərək 17 illik aradan sonra kluba ilk titulunu qazandırdı. Ancaq Premyer Liqada 17-ci yeri tutaraq ən pis nəticəsini əldə etdi. Bu da baş məşqçinin gələcəyi ilə bağlı suallar doğurur.
"Tottenhem" rəhbərliyi Postekoqlunun yerinə potensial namizədləri nəzərdən keçirir. "Fulhem"in baş məşqçisi Marko Silva və "Bornmut"un baş məşqçisi Andoni Iraola klubun yeni baş məşqçisi ola bilər.
Yeni baş məşqçinin təyin edilməsi isə "Tottenhem"ə təxminən 10 milyon funt-sterlinq əlavə xərc gətirə bilər.
