Kilian Mbappenin "Real Madrid"ə keçməsindən bir il keçsə də, "Pari Sen Jermen" (PSJ) azarkeşləri onun gedişini hələ də unutmurlar.
90plus.az xəbər verir ki, Fransız ulduzun məqsədi aydın idi – Çempionlar Liqasını və mümkün olarsa, "Qızıl top"u qazanmaq.
Lakin Mbappe üçün ilk "Real Madrid" mövsümü istədiyi kimi getməyib. Komanda yalnız UEFA Superkuboku və İnterkontinental Kubokla kifayətlənib, digər turnirlərdə isə titulsuz qalıb.
Bu arada Mbappenin keçmiş klubu PSJ tarix yazmağa yaxındır. Komanda Fransa Kuboku və Liqa 1-də əldə etdiyi uğurlardan sonra Çempionlar Liqasının finalına da yüksəlib. Yarımfinal mərhələsində "Arsenal" üzərində ümumi 3:1 hesablı qələbə qazanaraq finala adlayıblar.
Xatırlatma: "Arsenal" bir əvvəlki mərhələdə "Real Madrid"i 5:1 hesabı ilə mübarizədən kənarlaşdırmışdı. Ancaq bu dəfə PSJ baş məşqçi Luis Enrikenin rəhbərliyi altında rəqibə şans vermədi.
Azarkeşlərin reaksiyası
PSJ azarkeşləri sosial şəbəkələrdə Mbappeyə qarşı sərt paylaşımlar ediblər:
💭 "Mbappe bizi geriyə çəkirdi, indi sənsiz daha güclüyük"
💭 "Mbappeni göndərmək bu komandanın başına gələn ən yaxşı hadisə idi"
💭 "Mbappe heç vaxt müdafiəyə kömək etmirdi, zəif bəndimiz idi"
💭 "Qazanmaq üçün getdiyi Çempionlar Liqasını biz rahatlıqla qazanırıq"
💭 "Mbappe gedən il PSJ Çempionlar Liqasını qazanır. Daha yaxşı ssenari ola bilməzdi"
Qeyd: Mbappe 2020-ci ildə PSJ-nin finala yüksəlməsində əsas fiqurlardan biri olmuşdu. Həmin finalda PSJ "Bayern Münhen"ə 0:1 hesabı ilə məğlub olmuşdu.
Bu dəfə finalda PSJ-nin rəqibi "İnter" olacaq. Azarkeşlər hələlik sevinməyə tələsməməlidir, çünki həlledici oyun hələ qarşıdadır.
Mənbə:tribuna
