“Paris Sen-Jermen” çempionlar liqasının pley-off mərhələsinin ilk oyununda “Monako” ilə qarşılaşma öncəsi ciddi itki ilə üz-üzədir.

90plus.az xəbər verir ki, komanda çərşənbə axşamı “II Lüdovik” stadionunda keçiriləcək görüşdə Usman Dembeledən məhrum qala bilər. 28 yaşlı hücumçu cümə günü Liqa 1-də “Renn”ə 1:3 hesablı məğlubiyyət zamanı narahatlıq hiss edib və bu, onun oyuna hazır olub-olmaması ilə bağlı suallar yaradıb.

“L’Equipe” nəşrinin məlumatına görə, problem ciddi deyil və PSJ rəhbərliyi bunun futbolçunun əvvəlki intizam məsələləri ilə heç bir əlaqəsi olmadığını vurğulayıb. Klub bildirib ki, kiçik fiziki narahatlıq avtomatik olaraq oyunçunun heyətdən kənarda qalacağı anlamına gəlmir. Dembele ilə bağlı yekun qərar matça yaxın veriləcək.

Onun ilk oyunda iştirak edib-etməyəcəyi hələlik dəqiq deyil. PSJ azarkeşləri və Fransa mediası qarşılaşma öncəsi vəziyyətlə bağlı yenilikləri diqqətlə izləyir.

ℹ️ Tərəflər arasında cavab görüşü fevralın 25-nə planlaşdırılıb.