U-17 və U-19 qadın futbol yığmalarımızın Avropa çempionatındakı rəqibləri bəlli oldu!

90plus.az xəbər verir ki, UEFA qadınlar arasında keçiriləcək U-17 və U-19 Avropa çempionatlarının seçmə mərhələsinin püşkatma mərasimi baş tutub. Tədbirin nəticəsinə əsasən, Azərbaycanın hər iki yaş qrupundan ibarət komandalarının rəqibləri müəyyənləşib.

U-17 millimiz B Liqasının 1-ci qrupunda yer alıb. Komandamız bu mərhələdə Uels, Kosovo və Moldova ilə qarşılaşacaq.

Digər yaş qrupu – U-19 yığmamız isə B Liqasının 5-ci qrupunda mübarizə aparacaq. Qadın futbolçularımız bu mərhələdə Sloveniya, Şimali Makedoniya və Gürcüstana qarşı oynayacaqlar.

Qeyd: Hər iki yaş kateqoriyası üzrə oyunlar 2025-ci ilin payızında baş tutacaq.