“Qalatasaray” UEFA Çempionlar Liqasının liqa mərhələsində 7-ci turun oyununda öz meydanında “Atletiko” ilə üz-üzə gələcək.

90plus.az xəbər verir ki, İstanbul təmsilçisi bu qarşılaşmaya üç itki ilə çıxacaq.

Müdafiəçilər Arda Ünyay və Vilfred Sinqo, eləcə də yarımmüdafiəçi Qabriel Sara zədə səbəbindən heyətdə yer almayacaq və mühüm görüşdə komandaya kömək edə bilməyəcəklər.

Afrika Millətlər Kubokundan sonra kollektivə qoşulan Viktor Osimhen isə artıq məşqlərə başlayıb və matça çıxmağa tam hazırdır.

Xatırlatma: “Qalatasaray” – “Atletiko” oyunu sabah baş tutacaq və saat 21:45-də start veriləcək.