“Qalatasaray” Eynsli Meytland-Naylsı transfer etmək planı qurur. 

90plus.az xəbər verir ki, Türkiyənin “Qalatasaray” klubu müdafiə xəttinə yeni oyunçu cəlb etmək üçün hərəkətə keçib. İstanbul təmsilçisi Fransanın “Lion” klubunda çıxış edən Eynsli Meytland-Naylsın transferi üçün rəsmi təklif hazırlayır.

27 yaşlı futbolçunun özü də “sarı-qırmızılar”ın heyətində çıxış etməyə maraqlı olduğu bildirilir.

Ötən mövsüm “Lion” forması ilə bütün turnirlərdə 44 oyun keçirən Meytland-Nayls 1 qol vurub və 7 məhsuldar ötürmə verib. Onun Fransa klubu ilə müqaviləsi 2027-ci ilin yayına qədər qüvvədədir.