Luciano Spaletti “Yuventus” yeni mövsümə heyətdə əhəmiyyətli dəyişikliklərlə başlamağa hazırlaşır.

90plus.az xəbər verir ki, A Seriyası nəhəngi baş məşqçisi Luçano Spaletti bir sıra futbolçuların çıxışından narazıdır. Bu məlumat “La Gazzetta dello Sport” nəşri tərəfindən yayımlanıb.

İtaliyalı mütəxəssis komandada 8 oyunçunu görmək istəmir. Bunlar qapıçı Mişel Di Qreqorio, müdafiəçilər Federiko Qatti və Xuan Kabal, yarımmüdafiəçilər Vasiliye Adziç və Edon Jeqrova, hücumçular isə Lois Openda, Conatan Devid və Duşan Vlahoviçdir.

Qeyd: “Yuventus” İtaliya A Seriyasında 25 turdan sonra 46 xal toplayaraq turnir cədvəlinin 5-ci pilləsindədir. Turin təmsilçisi UEFA Çempionlar Liqası pley-off mərhələsinin ilk oyununda səfərdə “Qalatasaray”a 2:5 hesabı ilə uduzub.