“Qalatasaray”ın gənc müdafiəçisi Metehan Baltacı ilə yollarını ayıra biləcəyi bildirilir.

90plus.az xəbər verir ki, İstanbul klubu mərc oyunları ilə bağlı istintaq çərçivəsində saxlanılan 23 yaşlı futbolçu barədə qəti mövqeyini müəyyənləşdirib. Belə ki, Metehana yönəlik ittihamlar təsdiqlənəcəyi təqdirdə, klub onunla müqaviləni dərhal pozmağı nəzərdə tutur.

Məlumatda qeyd olunur ki, bu səhər keçirilən əməliyyatda adı hallanan futbolçunun öz komandasının oyunlarına mərc etdiyi iddia edilir. Xatırladaq ki, Metehan Baltacı bundan əvvəl də oxşar səbəbdən Peşəkar Futbol İntizam Komitəsi (PFDK) tərəfindən 9 aylıq diskvalifikasiya almışdı.