“Qarabağ” UEFA-nın klub reytinqində mövqeyini yaxşılaşdırıb.

90plus.az xəbər verir ki, Ağdam klubu Çempionlar Liqasının qrup mərhələsinin ilk turunda səfərdə “Benfika”ya qarşı qazandığı 3:2 hesablı qələbə sayəsində irəliləyib.

UEFA-nın rəsmi saytında yayımlanan siyahıya əsasən, son 5 mövsümün nəticələrinə görə əmsalını 37,000-ə yüksəldən Qurban Qurbanovun yetirmələri iki pillə irəliləyərək 57-ci sıradan 55-ci yerə qalxıblar.

Hazırda reytinqin lideri 125,500 əmsalla İspaniyanın “Real” Madrid klubudur.

Xatırlatma: Daha əvvəl verilən məlumata əsasən, UEFA ölkə reytinqində Azərbaycan bir pillə yüksələrək 25-ci yerə çatıb.