Azərbaycan Premyer Liqasında XXIV turun növbəti qarşılaşması keçirilib.
90plus.az xəbər verir ki, günün ikinci matçında “Zirə” öz meydanında “Qarabağ”ı qəbul edib. Zirə İdman Kompleksinin stadionunda baş tutan görüş qonaqların 3:1 hesablı qələbəsi ilə başa çatıb.
“Köhlən atlar”ın heyətində qolları 22-ci dəqiqədə Xoni Montiel, 55-ci dəqiqədə Kamilo Duran və 72-ci dəqiqədə Kadi vurub. Meydan sahiblərinin yeganə qoluna isə 70-ci dəqiqədə Ceyhun Nuriyev imza atıb.
Matçda vurulan qollara bu cümləyə klik edərək keçid edin
Bu nəticədən sonra xallarının sayını 52-yə çatdıran “Qarabağ” turnir cədvəlində 2-ci pillədə qərarlaşıb. “Zirə” isə 39 xalla 4-cü sırada yer alır.
Turun ilk oyununda “Sabah” səfərdə “İmişli” üzərində 5:0 hesablı qələbə qazanıb.
Qeyd: Ötən gün keçirilən qarşılaşmalarda “Araz-Naxçıvan” “Karvan-Yevlax”ı 2:1, “Şamaxı” isə “Sumqayıt”ı 1:0 hesabı ilə məğlub edib. Azərbaycan Premyer Liqasında XXIV tura martın 15-də yekun vurulacaq.
