“Qarabağ” azarkeşlərinə biletlə bağlı çağırış edib...

90plus.az xəbər verir ki, UEFA Çempionlar Liqasının qrup mərhələsində “Napoli” ilə İtaliyada keçiriləcək oyunda komandalarını dəstəkləmək istəyən “Qarabağ” azarkeşləri üçün klubdan açıqlama gəlib.

Rəsmi məlumatda bildirilib ki, noyabrın 21-dən sonra vauçerlərin satışı dayandırılacaq. Səfər oyununu “Stadio Diego Armando Maradona” stadionunda izləmək və komandaya dəstək olmaq istəyən azarkeşlər üçün vauçerlərin satışına iTicket.az platformasında davam edilir. Klub xatırladıb ki, səfər oyununa bilet almaq üçün artıq yalnız 4 gün qalıb.

Qeyd: "Napoli” – “Qarabağ” matçı 26 noyabr Bakı vaxtı ilə saat 00:00-da, İtaliya vaxtı ilə isə 25 noyabr saat 21:00-da başlayacaq.