UEFA Çempionlar Liqasının 1-ci turunda ən yaxşı çıxış edən futbolçulardan ibarət rəmzi komandanı açıqlayıb. Qurum bu barədə rəsmi sosial şəbəkə hesablarında məlumat yayıb.

90plus.az xəbər verir ki, siyahıda “Qarabağ”ın 24 yaşlı braziliyalı yarımmüdafiəçisi Pedro Bikalyo da yer alıb. O, həmçinin UEFA tərəfindən “Benfika” – “Qarabağ” qarşılaşmasının (2:3) ən yaxşı oyunçusu seçilmişdi.

Rəmzi komanda belədir:

• Qapıçı: Xeronimo Rüli (“Olimpik Marsel”)
• Müdafiəçilər: Markos Lyorente (“Atletiko” Madrid), Vircil van Deyk (“Liverpul”), Derrik Lyukkassen (“Pafos”), Yussufa Mjöci (“Slaviya” Praqa)
• Yarımmüdafiəçilər: Markus Raşford (“Barselona”), Hans Vanaken (“Brügge”), Pedro Bikalyo (“Qarabağ”), Fransisku Trinkan (“Sportinq” Lissabon)
• Hücumçular: Markus Türam (“İnter”), Hari Keyn (“Bayern Münhen”)