"Qarabağ"ın qapıçısı Fabiyan Buntiç mövsümün sonunda komandadan ayrılmağa hazırlaşır.
90plus.az xəbər verir ki, 29 yaşlı xorvat qolkiper artıq qərarını verərək bu barədə klub rəhbərliyini məlumatlandırıb.
Məlumata görə, Buntiçin xidmətində Çexiyanın I Liqası və Portuqaliyanın II Liqasından çıxış edən klublar maraqlıdır. Lakin transferin reallaşması üçün maraqlı tərəflər ilk növbədə "Qarabağ"la razılığa gəlməlidir.
Qeyd: Futbolçunun Ağdam təmsilçisi ilə müqaviləsi 2027-ci ilin yayına qədər qüvvədədir. 2024-cü ildən "Qarabağ"ın formasını geyinən qapıçı əsas heyətdə kifayət qədər şans qazana bilmədiyi üçün ayrılmaq niyyətindədir.
