UEFA Çempionlar Liqasının qrup mərhələsində "Qarabağ"ın rəqibi olan "Napoli" heyətində ciddi itki ilə üzləşib.
90plus.az xəbər verir ki, İtaliya təmsilçisinin yarımmüdafiəçisi Stanislav Lobotka zədələnib.
Slovakiya yığmasının düşərgəsində olan futbolçu zədə səbəbilə klubuna geri dönüb. 30 yaşlı dayaq yarımmüdafiəçisi təxminən 3-4 həftə müddətinə yaşıl meydanlardan kənarda qalacaq.
Təcrübəli futbolçu cari mövsümdə "Napoli"nin heyətində keçirdiyi 8 rəsmi oyunda 1 məhsuldar ötürmə ilə yadda qalıb.
Qeyd: "Napoli" və "Qarabağ" arasında görüş 26 noyabrda İtaliyada keçiriləcək.
