UEFA Çempionlar Liqasının pley-off mərhələsində “Ferensvaroş”la qarşılaşacaq “Qarabağ” sabah səhər saatlarında Budapeştə yola düşəcək.

90plus.az xəbər verir ki, “Qarabağ” səfərə hər zamankı kimi çarter reysi ilə çıxacaq.

Komandanın baş məşqçisi Qurban Qurbanovun rəhbərliyi ilə sabah axşam qarşılaşmanın keçiriləcəyi “Ferens Puşkaş” stadionunda məşq planlaşdırılıb.

Qeyd: “Ferensvaroş” – “Qarabağ” oyunu avqustun 19-da, Bakı vaxtı ilə saat 23:00-da start götürəcək. Cavab oyunu isə avqustun 27-də Bakıda baş tutacaq.