“Qarabağ”ın ÇL pley-offundakı potensial rəqibləri bəlli olur – püşkatma avqustun 4-də!

90plus.az xəbər verir ki, Çempionlar Liqasında mübarizəni davam etdirən “Qarabağ” 3-cü təsnifat mərhələsində “Şkendiya”nı keçəcəyi halda, pley-offdakı mümkün rəqiblərini bu həftə sonu tanıyacaq.

Avqustun 4-də İsveçrənin Nyon şəhərində keçiriləcək püşkatma Bakı vaxtı ilə saat 14:00-da başlayacaq.

Ağdam təmsilçisini pley-offda güclü rəqiblər gözləyir. Əgər “Qarabağ” növbəti mərhələyə adlayarsa, bu klublardan biri ilə qarşılaşacaq:

• “Bodo-Qlimt” (Norveç)
• “Seltik” (Şotlandiya)
• “Malmö” (İsveç) – “Kopenhagen” (Danimarka) cütünün qalibi
• “Lex” (Polşa) – “Srvena Zvezda” (Serbiya) cütünün qalibi
• “Ludoqorets” (Bolqarıstan) – “Ferentsvaroş” (Macarıstan) cütünün qalibi

Pley-off mərhələsinin oyunları avqustun 19/20-si və 26/27-si tarixlərində keçiriləcək.

“Qarabağ” bu mövsüm də Çempionlar Liqasında qrup mərhələsinə düşmək uğrunda mübarizəni davam etdirir.