“Qarabağ”ın potensial rəqibi bəlli oldu – Çempionlar Liqasında növbəti mərhələ üçün bu duelin qalibi mümkün rəqibdir!

90plus.az xəbər verir ki, UEFA Çempionlar Liqasının III təsnifat mərhələsinin püşkatmasının nəticələrinə əsasən, “Qarabağ”ın bu raunddakı potensial rəqibi müəyyənləşib.

İrlandiyanın “Şelburn” klubu ilə II təsnifat mərhələsindən mübarizəyə başlayan Ağdam təmsilçisi bu duelin qalibi olacağı təqdirdə, növbəti mərhələdə Şimali Makedoniyanın “Şkendiya” və Rumıniyanın FCSB klublarının duelində qalib gələn komanda ilə qarşılaşacaq.

Qeyd: "Qarabağ” bu mövsüm də UEFA reytinqinə görə səpələnmişlər səbətində yer alır. III təsnifat mərhələsinin ilk oyunları avqustun 5-6-da, cavab qarşılaşmaları isə avqustun 12-də keçiriləcək.