“Qarabağ”ın prezidenti Tahir Gözel gündəmə gələn azyaşlı azarkeş Əkbər Zülfüqarovla görüşüb.

90plus.az xəbər verir ki, UEFA Çempionlar Liqasının VI turunda “Qarabağ” – “Ayaks” oyununu Qadın və Uşaq Sığınacağında təkbaşına izləyən Əkbərlə görüş klub bazasında, Premyer Liqanın 15-ci turu çərçivəsində keçiriləcək “Qarabağ” – “Araz-Naxçıvan” oyunundan əvvəl baş tutub.

Görüş zamanı Tahir Gözel Əkbərlə söhbət edib, onun oyunla bağlı təəssüratlarını dinləyib və sonda azyaşlı azarkeşə klubun formasını təqdim edib.

Qeyd: Balaca azarkeşin videosu sosial şəbəkələrdə böyük maraqla qarşılanmış və trendə çevrilmişdi.