"Liverpul"dan son dəqiqə qolu ilə qələbə qazandı.

90plus.az xəbər verir ki, İngiltərə Premyer Liqasının 3-cü turunda mövsümün ən gözlənilən qarşılaşmalarından biri baş tutdu. "Liverpul" ilə "Arsenal" "Enfild" stadionunda üz-üzə gəldi və meydan sahibləri 1:0 hesablı qələbə ilə üç xalı qazandı.

Oyunun böyük hissəsi mərkəz sahədə gərgin mübarizə şəklində keçsə də, 83-cü dəqiqədə "Liverpul"un macar futbolçusu Dominik Soboslai uzaq məsafədən gözəl bir cərimə zərbəsi ilə komandasını önə keçirdi.

Qol: https://t.me/doxsanplus/107000

Bu nəticə ilə "Liverpul" mövsümə əla start verərək ardıcıl üçüncü qələbəsini qazandı və xallarını 9-a yüksəltdi, liderdir. "Arsenal" isə ilk məğlubiyyətini alaraq 6 xalda qaldı:

1. Liverpul ➖ 9 xal (+4)

2. Çelsi ➖ 7 xal (+6)

3. Arsenal ➖ 6 xal (+5)

"Qarabağ"ın rəqibi formadadır

UEFA Çempionlar Liqasında "Qarabağ" ilə eyni qrupda yer alan "Liverpul" 29 yanvar 2026-cı il tarixində Liverpul şəhərində "Qarabağ"ı qonaq edəcək. İngiltərə təmsilçisinin yüksək forması qarşıdakı qarşılaşmanı daha da maraqlı edir.