Uels yığmasının baş məşqçisi Robert Peyc Beyli yığmaya cəlb etmək üçün çalışır. 90plus.az “SportBible”yə istinadən xəbər verir ki, baş məşqçi  öz açıqlamasında Qaret Beyli yenidən milli yığmaya qaytarmaq istədiyini qeyd edib. Peycin sözlərinə görə, Uels Avro 2024-ə vəsiqə qazanmağa çalışarkən, keçmiş cinah oyunçusundan məşqçilik və ya səfirlik vəzifəsinə qayıtmaq  barədə fikri soruşulub: “Mən bu söhbəti etdim. İndi bu rolun nə olduğunu hələ bilmirik. Ona sadəcə ailəsi ilə vaxt lazımdır.  Bir neçə həftə sonra onunla yenidən danışacağıq. Düşünürəm ki, o da buna hazır olacaq. İrəliləmək üçün bir plan hazırlayacağıq. Əminəm ki, Uels Futbol Federasiyası da Qareti müəyyən vəzifələrdə saxlamaqda maraqlı olacaq."