Qranit Caka “Sanderlend”də 34 nömrəni niyə seçdi? – şəxsi hekayə...
90plus.az xəbər verir ki, yay transfer dönəmində “Sanderlend”ə qoşulan təcrübəli yarımmüdafiəçi Qranit Caka yeni klubunda 34 nömrəli formanı daşıyacaq. İsveçrəli futbolçu bu seçimə şəxsi və emosional səbəblərlə yanaşdığını bildirib.
Caka forma nömrəsi ilə bağlı açıqlamasında bunları deyib:
“Əvvəlcə, uşaq vaxtı Bazeldə məşqlərə 34 nömrəli avtobusla gedirdim. Bu, həm də mənim ilk peşəkar forma nömrəm idi. Karyeram boyunca bu nömrəni daşıdım.”
Xatırlatma: Caka daha əvvəl “Arsenal”, “Borussiya Mönhenqladbax” və “Bayer Leverkuzen” kimi klublarda da 34 nömrəli formanı geyinib. O, “Sanderlend”də də bu ənənəni davam etdirir.
Komandanın yeni transferlərindən olan 32 yaşlı futbolçu Premyer Liqaya qayıdan klubun əsas liderlərindən biri kimi çıxış edəcək.
